کارٹون میں جنرل سٹینلے میک کرسٹل نے اس کا کوئی جواب نہیں دیا۔ مگر میں نے جب سے یہ کارٹون دیکھا ہے میں سوچ رہا ہوں کہ اس کا جواب جنرل میک کرسٹل کی زبانی دے ہی دوں

تو جناب جنرل کا جواب یہ ہو گا کہ او جنرل مارشل لاء اس ملک میں لگا کرتے ہیں جہاں کی عوام جمہوریت سے تنگ آچکے ہوں ، جہاں کی عوام بڑی گاڑی ، بڑا نام ،بڑا خاندان دیکھ کر ووٹ دیتے ہوں۔ مارشل لاء ان ملکوں میںلگا کرتا ہے جہاں کے وزیر یہ کہیں کہ ہم عوام کو روٹی نہیں دے سکتے وہ اپنے بچے ہمارے پاس چھوڑ جائیں،

مارشل لاء اس ملک میں لگا کرتے ہیں جہاں دستی اور جٹ جعلی ڈگریوں کے باوجود کامیاب ہو جائیں،مارشل لاء ان ملکوں میں لگا کرتے ہیں جہاں کے ارکان پارلیمنٹ بھوک سے تنگ آ کر خود کشی کرنے کے عمل کو قدرتی عمل قرار دیں۔ مارشل لاء اس ملک میں لگا کرتے ہیں جہاں کے حکمرانوں کو خلیفہ بننے کا شوق ہو ۔

باقی آپ خود سمجھ دار ہیں۔